Ano na lamang ang magiging reaksiyon mo kung sakaling makakita ka ng isda, ngunit, ang ngipin nito ay kapareho umano ng isang tao?
Iyan ang nakita ng anak ng nagngangalang Janna Clinton na si Charlie sa Oklahoma, U.S kamakailan lamang nang ito’y namimingwit sa isang lawa.
Ayon kay Janna, nabigla umano siya ng bigla na lamang sumigaw si Charlie, kaya agad niya itong nilapitan.
Nang makita niya umano ang nahuli nitong isda ay dito niya na nalaman kung bakit napasigaw sa takot ang kaniyang anak.
Hindi kasi umano ito pangkaraniwang isda lalo’t parehong-pareho ang ngipin nito sa isang tao kaya naman, kinuhanan niya ito ng larawan at agad naman nilang pinakawalan.
Pakatapos ay agad niya rin umano ito ibinahagi sa kaniyang social media account at dahil sa tulong ng mga nagkomento dito ay napag-alaman niya na ito’y isang “Pacu” na kamag-anak umano ng Pirhana kung saan, ang kaibahan ay isa itong Herbivore.
Wala pa rin umano nabalita na nangangagat ito ng tao kaya naman sa kasalukuyan, plano muling mahanap ni Charlie ang nasabing isda upang ilagay sa frame at maidisplay sa kanilang living room. |WENCY LISAY