Ilang linggo raw magpapahinga sa paggamit ng social media ang singer na si Jake Zyrus.
Sa kanyang Instagram post, inanunsyo ni Jake ang kanyang break sa social media dahil nais niya muna raw pagtuunan ng pansin ang kanyang mental health.
Mayroon daw kasing puwersa na nais siyang warakin kaya kailangan niyang bumuwelta sa pamamagitan ng pagpapagaling.
Alam daw ni Jake na mahirap ang kanyang susuungin pero makakatulong daw ito nang malaki sa kanya.
Ang huling nabalitaan ng publiko tungkol sa singer ay ang kuwento tungkol sa pagkairita nito sa mga taong patuloy na binubuhay si Charice Pempengco.
Si Charice ang dating katauhan ni Jake bago siya nag-come out bilang isang trans man.//CA