Mukabat sa kapin P5.4 Million kantidad sa gituohang shabu ang nakumpiska sa otoridad atol sa gilusad nga drug buy bust operation kaganihang ala-1:00 sa kadlawon, Mayo 3, 2024 sa Purok 2, Camus St., Brgy 9-A, ning syudad sa Davao.
Giila sa San Pedro Police Station ang suspek nga si Alyas Dodong, 35 anyos, ulitawo ug residente sa nasangpit nga lugar.
Nakumpiska gikan sa posisyon sa suspek ang nagkadaiyang gidak-on sa putos sa shabu nga mutimbang sa kapin kon kulang 807.33 grams nga dunay Standard Drug Price nga PhP5,489.844.00
Kasamtangan, balhug na sa prisohan ang nasangpit nga suspek ug nag-atubang sa kasong paglapas sa RA 9165 kon Comprehensive Dangerous Drugs Act of 2002.