Gitunolan sa City Social Welfare and Development Office (CSWDO) kagahapong adlawa, Huwebes og kinatibuk-ang Php 1.3 million nga cash assistance ang mga biktima sa sunog sa Barangay 76-A niadtong milabay’ng Abril 7, 2024.
Gibutyag ni CSWDO Acting Assistant Head, Sarah Festin nga sa 99 ka mga pamilya nga apektado sa sunog, 84 niini ang naggikan sa Prk. 25 ug 26 Muslim Village samtang ang laing 15 naggikan sa Prk. 4 sa nasangpit nga Barangay.
Dugang pa ni Festin nga sa Muslim Village lamang, gitagan-an og Php 1,135,000 nga financial assistance.
Samtang sa Purok 4, dunay gitagana ang kagamhanan og Php 210,000 alang sa 15 ka mga biktima.
Atol sa maong aktibidad, gipahimangnuan sa opisyal ang mga recipients sa cash assitance nga pirmeng magbinantayon ug protektahan ang ilang panimalay gikan sa sunog.