KATUNGA na sa mga public schools sa GenSan ang nagpatuman og in-person pipila kabulan human gitugotan sa gobyerno ang pagbalik sa face-to-face (F2F) classes human naundang sa pandemya.
Sa datus sa Department of Education (DepEd) GenSan sa 50% nga tulunghaang mibalik sa F2F classes tulo niini ang private school. Sa ulahing data nga gihatag sa DepEd pinaagi ni Romelito Flores, Schools Division Superintendent atong Setyembre 2021.
Naa sa kinatibuk-ang 102,922 ang mga magtutungha sag ikan sa pribadong ug pampublikong tulunghaan. Sa maong ihap sa mga estudyante, naa sa 59.66% niini ang natala nga enrollment turnout taas tandi atong 2020.
Matud ni Flores, sa panahon nga gikanaog sa level 2 ang dakbayan, pipila na katulunghaan ang nag-abli na usab sa in-person classes. Sa karon, padayon ang gihimong ‘assessment’ sa ahensiya sa mga eskwelahan sa GenSan nga buot moapil sa F2F classes. Sa karon wala’y datus sa karon ang DepEd-GenSan sa ihap sa mga batang nabakunahan na batok Covid-19.
Apan giawhag niini ang mga ginikanan nga wala pa nagpabakuna sa mga anak na kini ang pabakunahan. Samtang blended learning gihapon ang moda sa edukasyon sa school year 2022-2023, asoy ni Flores. I Richel Gubalani