TAKDANG magpahigayon og pulong ang mga The Regional Tripartite Wages and Productivity Board (RTWPB) sa Soccsksargen region aron hisgotan ang giduso nga usbaw sa suholan sa mga mamumuo.
Matud ni Jessie Dela Cruz, RTWPB-12 secretary, gitakdang ang deliberasyon sa Mayo 18 ning kasamtangang tuig. Kini aron masuta kung isaka dayon nang ipatuman ang usbaw sa suholan dungan sa pagsaka sa presyo sa mga nag-unang palaliton. Naglaom si Dela Cruz nga kung unsa man ang mahisgotan ang suportahan sa tanang sector.
Marso dihang nagpahigayon og public consultation sa posibleng usbaw o increase sa minimum wage rates sa Soccsksargen region. Una nang, gibutyag ni Dela Cruz nga ang ahensiya ang wala kadawat og petisyon kalabut sa ‘wage adjustment’ ug ang rebyu ang gihimo sa inisyatibo sa board.
Kasamtangan, naa sa P336 matag adlaw ang minimum wage rates sa trabahante sa rehiyon-12 sa non-agriculture sector ug P315 sa agro, retail ug service sectors base sa 2020 wage adjustments. I Richel Gubalani