SUPAK si City Housing and Land Management Office, Mary Ann Calonzo Tan sa sogyot nga magmugna og mass graves ang syudad alang sa mga namatay sa COVID-19.
Segun ni Tan, mahimo pa silang maka-accommodate og magpalubong sa ACAMP tungod may available units pa ang public cemetery.
Dugang niini, nga aduna pay opsyon ang mga namatyan, anaa ang pribadong sementeryo ug mahimo usab nga ipa-cremate.
Sa sogyot usab nga dili alas 5 sa hapon ang cut off sa ACAMP sa paglubong, dili matud pa kini mahimo sa karon tungod kulang sila sa personahe.
Kung gusto matud pa nga 24/7 ang operasyon, manginahanglan sila og dugang nga personnel, asa kasamtangan aduna lamang kini 13 ka personahe sa ACAMP.
Dugang pa ni Tan may request na usab sila og dugang personnel sa LGU apan wala pay tubag niini bisan may igo sila nga pondo alang niini.
Photo for Illustration purpose only: CTTO