Giimbistigahan na karon sa kapolisan ang usa ka Berlito Cole human kini nakuhaan og mga materyales sa paghimo og Improvised Explosive Device kon IED sa Maco, Davao de Oro.
Una nini gireklamo si Cole sa iyang silingan nga si Serafin Mansueto Jr. human nanion og armas hinungdan nga nagpatabang sa otoridad nga dali sab girespondihan sa Maco Police Station.
Kauban sa mga pulis si Barangay Kinuban Kapitan Elizalde Malcampo aron husayon ang bangi sa duha ug atol sa husay gipakita ni Cole ang armas nga Replica lang sa pistola nga 9mm.
Apan dihang sa pag-utingkay sa mga pulis napalgan gawas sa iyang balay ag usa ka cellophane nga dunay sulod duha ka detonating cord, blasting cap ug ang kemikal nga ammonium nitrate nga gisulod sa duha ka plastic cellophane nga gibutang sa duol sa punoan sa kawayan.
Tungod niini, gipailawum sa hugot nga imbistigasyon si Cole aron sayron kung asa niya gamiton ang mga himan nga nag-unang sangkap ug materyales sa paggamo og IED. BNFM-DAVAO