Gidayeg ni Armed Forces of the Philippines Chief of Staff Gen. Cirilito Sobejana ang Eastern Mindanao Command (EastMinCom ug gibayaw nga best Unified Command sa natad sa accomplishments sa combat ug non-military operations.
Ang pahayag ni General Sobejana gipagawas atol sa “Talk to Troops” niini sa niaging adlaw sa Naval Station Felix Apolinario Covered Court sa Camp Panacan, Davao City.
Gibatbat sa opisyal nga mahinungdanong mapadayon sa hut-ong ang maayong relasyon ngadto sa komunidad ug mga Local Government Units sanglit dili lamang matud pa sa combat operation ang papel sa AFP apan mas labaw pa.
Kahibaluang ang EastMinCom, kauban ang Unified Commands sa AFP, ang nakigtinabangay sa ubang government agencies, Local Government Units ug Civil Society Organizations sa paghatag og kahilwayan sa kinabuhi sa mga Pinoy pinaagi sa pag establisar og mga programa nga makatabang sa pagpalig-on pa sa nasud.
Nasayrang pinakaulahing non-military activities sa Command ang “Tulong Bayanihan para sa Sambayanan” program nga nagtumong ss malinawonn ug hapsay nga pag-apod apod sa mga hinabang sa mga labing nagkinahanglan sama sa kapin 1,300 pamilya sa Eastern Mindanao nga apektado kaayo sa Covid-19 pandemic.