NA-TRAUMA ang mga lomulopyo sa Barangay Taluya, Glan, Sarangani Province human sa kalit nga pagbuhos sa ulan ug baha dungan sa kusog nga pangilat sa milabay nga Hulyo 28 sa gabei hangtud magbuntag ug gatusan ka pamilya ang apektado.
Saysay ni Jovelyn Tejano nga unang higayon kato nga nahitabo kanila, gusto nila mogawas apan nahadlok sila sa kusog nga mga kilat mao nga ilang gipangtabunan ilang mga salamin.
Saysay usab ni Maretis Canoy napuno sa yuta ang kilid sa ilang balay og natabunan ang ilang pansayan susama daw sa sapa ang tubig.
Saysay usab ni kanhi kagawad Doy Antocan sa Taluya Proper ang tubig nga natigum gikan sa upat ka lugot niabot taman dughan.
Ang problema kay gamay ang kanal og tamburong nga agianan sa tubig baha,gidugang ni Antocan nga tulo ka bangka ang naanod apan ilahang nakuha og balik apan usa ang nadaut ang duha ka bangka unya na buslot ang usa ka pump boat.
Adlaw nga Domingo nanghatag og tag lima ka kilong bugas og tag upat ka delata ang LGU Taluya sa pagpanguna ni Kapitan Jurry Basalo ug kaubanan sa konseho.
Tulo ka purok ang na-apektuhan sa baha, ang Victory Village, Lower Spring- 107 ka pamilya duol sa sementeryo ug ang Taluya Proper- 69 ka pamilya.
Gidugang ni kapitan Basalo nga tinuod nga unang higayon kato nga may kusog kaayong kilat unya kusog nga ulan sa ilang barangay unya nibaha og taman sa dughan sa Taluya Proper, nangahadlok ang katawhan mogawas basin maigo sa kilat.
Nagikan matud pa sa bukid ang tubig ulan ug niagi sa mga lugot og nagtapok sa ubos nga bahin sa barangay dapiln sa baybay hinuon walay tawong naanod sa baha. ( Ever Diazon)
Photo: Giesaril Chai Tabunaway-Jumilla