Patay ng napalgang ang mag-live in partner sa nataran sa ilang pinuy-anan pasado alas 12 kagahapon sa udto sa So.Manaysay, Brgy. Cambayobo, Calatrava, Negros Occidental.
Ang mga biktima naila sa kapolisan nga sila si Elpedio Guarin,52 anyos,Evangilyn Denapol,65 anyos,mag-live in partner parehong mag-uuma ug pulos residente sa nasambit nga lugar,samtang ang suspek wala mailhi.
Sa pakighinabi sa brigada news team kang Pmaj.Ronald Santillan,hepe sa Calatrava Municpal Police Station adunay silingang lalaki nga nabalaka ug naaghat pagsumbong ngadto sa mga opisyales sa barangay aron masuta ang kahimtang sa duha.
Sa ilang pagsusi sa pinuy-anan sa mga biktima didto ilang nakita nga nagbuy-od sa ilang nataran ang biktima.
Gidala sa Calatrava District Hospital ang mga biktima apan gideklarang patay sa attending physician ug adunay tagsa ka samad pinusilan sa ilang mga ulo.
Sa karon padayon pa ang imbestigayon nga gihimo sa kapolisan aron sa pag-ila sa suspetsado sa maong kremin.