Gin pasidunggan it Local Government Unit (LGU)-Malinao ru sangka Malinaonon nga 2nd LT. sa Philippine Military Academy (PMA) sa mismong flag raising ceremony kahapon.
Sangka plaque of recognition nga permado ni Malinao Mayor Josephine Iquina ru nabaton ni 2nd LT. Pae Pearl A. Agustin bilang pag rekognisa it tumaeagsahon nga achievements nga makabig nga sangka bugae it sangka Malinaonon.
Nag tao man it punot pag dayaw nga mensahe si Malinao Vice Mayor Wilbert Ariel Igoy sa nasambit nga kahiwatan ag gin welcome man it Malinao Sangguniang Bayan Members.
Mainit man nga binaton ni Agustin ru pag pang-abi-abi it LGU-Malinao.
Kun matandaan, si Agustin hay PMA Military Justice Awardee ag Member it
“Masaligan” Class of 2021 sa katatapos eamang nga graduation it Philippine Philippine Militry Academy (PMA).
sI 2nd LT. Pae Pearl A. Agustinnga hay tubong Barangay Kinalangay Viejo, Malinao, Aklan, nag tapos bilang Cum Laude sa Aklan Catholic College bilang Bachelor of Secondary Education major in English.//MARIVIC Y. ILIN