‘Ill be back soon’
Ito ang tiniyak ng Pinoy skater na si Margielyn Didal matapos sumailalim sa isang surgery.
Sa kanyang Instagram post, ibinahagi ng Olympian na na-dislocate at na-fracture ang kanyang kaliwang ankle matapos ang isang skate competition.
Sa kabila nito, naging successful naman daw ang kanyang surgery.
Pinasalamatan niya rin ang mga tumulong at nag-alaga sa kanya, at gayon din ang mga nagpa-abot ng panalangin para sa kanyang mabilis na recovery.
Dahil dito – natuto umano si Margielyn na makinig sa kanyang katawan at matutong magpahinga.
Sa huli, siniguro ng Olympian na babalik din siya at nag-iwan ng payong ‘skate safe always!’