Masobra 400 ka mga Persons Deprived of Liberty (PDLs) ang pahanugutan nga makaboto sa maabot nga Barangay kag Sanguniang Kabataan Election (BSKE).
Ini ang ginkumpirma ni Atty. Rommel Benliro, City Comelc Officer sang ma-interview sang Brigada News FM Roxas City.
Suno kay Benliro, nagapadayon pa ang ila nga cleansing sa prisohan agud ila mahibaluan kun pila ka mga priso ang nahilway na humalin sang Agosto 30, 2023.
Sandig sa record sang Comelec Capiz, 221 ka mga botante ang yara sa BJMP San Jose kag 200 naman ka mga botante sa Capiz Rehabilitation Center sa Brgy. Lawaan, Roxas City.
Ginpahayag ni Benliro, may yara sang special electoral board ukon support staff ang magakuha sang balota kun diin nagaboto nga barangay ang mga PDLs kag igadul-ong ini sa mga prisohan.
Ang pagboto sang PDLs ang magasugod alas 7:00 sang aga tubtob alas 2:00 sang hapon agud may tion pa ang mga support staff nga mabalik ang balota sa ila tagsa ka mga barangay. | Judy Ann Juare