LEGAZPI CITY – Pinatanidan kan Municipal Disaster Risk Reduction and Management Office (MDRMMO) Daraga an mga residenteng nakaistar arani sa Bulkan Mayon makalihis an nangyaring phreatic eruption kasuudma.
Sa intrevista kan Brigada News FM Legazpi kay MDRRMO Operation Head Joshua John Sanchez, sinabi niya na tulos sindang nagpadara nin personahe nganing mag-monitor, mag-inspeksyon asin magtao nin situational report sa insidente orog na sa upper barangays na arani sa bulkan.
Sa ngunyan, nagkapira sa mga pigbabantayan na lugar sa banwaan iyo an Brgy. Mi-isi, Bañadero, Budiao, Matnog asin Salvacion.