Mga kaso gipasaka na batok sa suspek sa pagpamusil sa Trento ug mga insidente sa pagbato sa Madrid Surigao del Sur

Nagpadayon karon ang buhatan sa PNP Caraga sa pagsulbad sa mga krimen diin nisangpot sa pagpasaka og kaso batok sa tulo ka suspek sa pagpamusil sa Agusan del Sur ug sa suspek sa pagbato sa Surigao del Sur.

Gibutyag mismo ni Police Brigadier General Romeo M. Caramat, Jr, Police Regional Office (PRO) 13 Director nga ang Trento Municipal Police Station (MPS) nipasaka og kasong murder batok kang alyas Brando, residente sa Tudela sa lungsod sa Trento atubangan sa Agusan del Sur Provincial Prosecutors Office uban sa docket no. 13-03-INV-22F-259 nga pinetsahan kagahapong adlawa Hunyo 1, 2022, human positibong giila sa usa ka nakasaksi.

Si alyas Brando giingong usa sa tulo ka mga suspek sa pagpamusil niadtong Mayo 18, 2022, sa P-1C, Brgy. Manat, Trento, Agusan del Sur nga mipatay kang Alejandro Taguibao Notarte Jr, lalaki, 42 anyos ug residente sa Sitio Taogdan, Imelda, Bunawan, ADS.

Samtang, kasong homicide ubos sa Article 249 sa Revised Penal Code ang gipasaka batok kang Wilmer Labarro, 21-anyos nga residente sa P-4C, Brgy. Panayogon, Madrid, Surigao del Sur atubangan sa Surigao del Prosecutor Office.

Sumala sa taho sa Madrid MPS, gibato ni Wilmer hangtod namatay ang iyang silingan nga si Nelson Crizaldo kaniadtong Mayo 28, 2022, pagkahuman sa usa ka mainit nga panaglalis bahin sa sweldo.
-END-

Leave a Reply

Your email address will not be published.