Aprobado na ang Memorandum of Agreement sa tunga sang Department of Migrant Workers kag Roxas City Government para sa ginaduso nga Anti-Illegal Recruitment kag Anti Trafficking in persons sa syudad sang Roxas.
Sa ginpatigayon nga session sang City Council, gin-aprobahan diri ang nasambit nga MOA sa pagpanguna ni City Councilor kag Atty. Paul Ivan Baticados.
Tinutuyo sang amo nga agreement nga mahatagan sang ihibalo kag kaathagan ang publiko natuhoy sa Illegal Recruitment kag matuod nga recruiters.
Nahibaluan nga madamo sang mga natuntuhan sa syudad sang Roxas kag probinsya sang Capiz nga mga luyag mag-apply sang trabaho sa guwa sang pungsod kun sa diin ginkuhaan ang mga ini sang kwarta sa pagpati nga may trabaho na nga nagahulat sa ila.