Gin libot sa pilang ka mga lugar sa probinsya’t Aklan ru ibat-ibang imahe ni Sr. Sto. Nino kaina’t aga-aga, Enero 15.
Raya hay bangud sa selebrasyon it Ati-atihan Festival 2022 sa banwa’t Kalibo ag ibang mga kabanwahunan sa probinsya.
Gin atendiran it mga kapari-an ag pilang ka mga deboto ni Sr. Sto. Niño sakay sa andang pribadong saeakyan ag motorsiklo pina agi sa sangka caravan.
Samtang, nag patuman man it mahigpit nga police augmentation ru Lezo Municipal Police Station samtang gina himo ru caravan halin sa Makato paadto sa Lezo diversion road paadto sa Kalibo Cathedral.
May kapin sa sobra 50 ka mga pribadong saeakyan ru nakipag ugyon it mobile caravan.
Bukon eamang it banwang Kalibo ru naga selebrar it kapiestahan ni Sr. Sto. Ninño kundi pati man ru Municipalidd it Makato, Ibajay, Malay ag Malinao.//MARIVIC Y. ILIN