Sa pagtapos it National Heritage Month, mas nga panamion ag paga ayuson ro “Escuelahan it Hari,” ro makasaysayang building nga nagaserbing lugar it “Museo it Akean.”
Base sa facebook post ni Sangguniang Bayan member Phillip Yerro Kimpo, ginpirmahan eon it LGU Kalibo ag Archbishop Gabriel M. Reyes Memorial Foundation Inc. ro renewal it memorandum of agreement (MOA) nga nagabaehag it ginpabaskug nga partnership para sa physical improvements it building, pagpa-aircon sa Museo, pagpanami it collection & displays, pagbuoe sa sangka Museum Curator ag revenue sharing it LGU ag AGMRMFI.
Sa pihak nga parte, magiging tatlo eonman ro galleries nga puwedeng bisitahon it publiko ag turista sa Kalibo Pastrana Park, ag raya hay ro Museo it Akean; ro bag ong Ati-atihan Gallery sa atubang it Kalibo Police Station ag ro pagaubrahon nga Kalibo Arts Center sa 1st floor it Capt. Gil Mijares Building, kung nakasaylo eon ro PNP Kalibo sa bag o nanda nga station. // ANN DESLENE SALAZAR