TINGKAGOL hinoon sa prisohan ang usa ka nagpailang pulis sa gipahimutang nga Quarantine Control Point ( QCP sa Gango sa siyudad sa Ozamiz.
Giila ni Ozamiz City Chief of Police, PMaj Peter Rhyan Revillas ang suspek nga si Rodel Cuer, 36 anyos residente sa Poblacion 2 Oroquieta City.
Sumala pa kang Revillas, nga gibanabana alas 3:45 ang takna sa hapon bulan sa Hunyo 23 niining tuiga 2021, naharang sa checkpoint sa Gango si Cuer, sa dihang nagmaneho siya sa motor single Yamaha Mio 125 nga walay helmet.
Sa dihang gisita siya sa nadestinong pulis, nagpakita kini og PNP ID. Apan sa dihang gisuhid , milutaw usa kini ka peke nga ID sa pulis busa siya gidakop.
Sa pasiunang imbestigasyon, gisaysay sa suspek nga dugay na siyang nag hupot niini, apan iya kining gipakita aron makalusot sa checkpoint.
Nagpasidaan usab si PNP Provincial Director for Misamis Occidental PCol.Rolindo Suguilon ngadto sa tanan, nga likayan ang pagsul- ob og uniporme sa police ug sundalo, kay kini supak sa balaod ug sila dakpon subay usab sa paglapas sa Article 179 sa Revised Penal Code.
Ang suspetsado ang kasamtangang nakadetained sa PNP Detention Cell og mag-atubang sa kasong pagsupak sa Art. 177 sa Revised Penal Code._BNFM Oroquieta