Nagaabot sa masobra P200,000 nga cash ro natakaw it owa pa makilaea nga suspek sa sangka negosyante sa Kalibo Public Market kaina it kaaganhun.
Ginkilaea ro biktimang si Joemarie Lasara.
Sa interview it Brigada News FM Kalibo, may nagbakae segun kana ag bangud owa imaw it pang sensilyo, hay inaywan kara ro anang pwestu.
Pagbalik nana hay dikara eon nana napanuhan nga ro anang bag nga may sueod nga cash nga masobra P200,000, alahas, passbook ag ATM. // ANN DESLENE SALAZAR