TAKDANG ipatuman ang reshuffling sa mga opisyal sa Police Regional Office (PRO) 12, butyag ni Police Major Riza Hernaez, tigpamaba.
Matud ni Hernaez, pipila sa regional staff sa PRO-12 ang naghupot karon og tagduha ka posisyon. Sama ni Col. Arnold Santiago, ang Deputy Regional Director for Operation (DRDO) apan pila ka bulan gigunitan usab ang pwesto isip labaw sa South Cotabato Provincial Police Office (SCPPO).
Hangtud nakalabay nga semana, human gibutang isip labaw sa SCPPO si Col. Samuel Cadungon. Gawas kang Santiago, duha ka posisyon ang gigunitan nilang Col. Gilbert Tuzon nga labaw sa investigation division ug Public Community Relation. Lakip si Col. Henry Villar nga duha usab ka posisyon ang gihugtan isip regional staff. Sa karon, gihulat na lang ang mahimong desisyon ni Police Brig. Gen. Jimili Macaraeg, ang regional director kalabut sa mahimong lihok sa mga opisyal sa regional office. I Richel Gubalani