Owa it ospital sa Western Visayas ro gintaw-an it “compassionate special permit” (CSP) agud maggamit it Ivermectin, sangka broad spectrum anti-parasitic agent, para malikawan o maabangan ro covid-19.
Ro sangka health facility hay mahimo eamang magreseta it Ivermectin kontra sa COVID-19 kung mayroon raya nga CSP halin sa Food and Drug Administration (FDA), suno sa pamunuan it Department of Health (DOH) Region 6 Non-Communicable Disease Sector.
Gin-insister nga owa ginarekomenda it DOH ag FDA ro paggamit it Ivermectin para sa paglikaw ag pagbueong sa COVID-19 virus bangud owa it supisyente nga ebidensya agud suportahan ro safety ag pagiging epektibo kara para sa coronavirus. / ANN DESLENE SALAZAR