Nakahunong na sa karsel sang Panay Municipal Police Station ang isa ka 54-anyos nga lalaki matapos nakuhaan sang P170,000 nga balor sang shabu sa ginkasa nga drug buy-bust operation sa Barangay Tanza Sur sa nasambit nga banwa.
Ginkilala ang nadakpan kay Dennis Detoyato, isa ka Street Level Individual (SLI) kag residente sang Barangay Tanza Norte.
Narekober sa paghinakop ni Detoyato ang anum ka sachets sang ginapatihan shabu lakip na ang nabakal sang police poseur buyer, P6,000 nga buy bust money, sling bag kag isa ka unit sang tricycle.
Ginabanta nagabug-at sang 25 gramos ang nakumpiskar nga iligal nga droga.
Magapangatubang sang kaso nga paglapas sang RA 9165 ukon Comprehensive Dangerous Drugs Act of 2002 ang nadakpan.
Nahibaluan nga ang nasambit nga operation ang ginkasa sang gintingub nga pwersa sang Panay, Panitan, Maayon PNP kag PDEU sang Capiz Police Provincial Office. | Judy Ann Juare