Dakop ro magmaeanghud sa ginkasa nga drug buy-bust operation it Philippine National Police Drug Enforcement Group, Special Operation Unit 6 ag Special Drug Enforcement Team it Iloilo City Police Station 2 (Lapaz Police Station) sa Zone 3, Brgy. Lopez-Jaena Norte, La Paz, Iloilo City ku Oktubre 19.
Ginkilaea ni PMaj Jose Val R Ladublan, Station Commander it Iloilo City Police Station 2 ro mga subject person nga sanday Nestor Magno Jr., 38 anyos ag ro igmanghud kara nga si Alcen Magno, 42 anyos nga mga residente sa nasambit nga lugar.
Nadakpan ro mga suspek matapos sandang magbaligya it sangka sachet it suspected shabu sa sangka Police Poseur-buyer nga nagabalor it P23,500 nga ginamit bilang buy-bust money.
Narekober pa sa mga subject person ro daywa ka knot tied transparent plastic sachets it suspected shabu kaibahan ro drug buy-bust item nga naga timbang it 105 grams ag may standard drug prize nga P714,000.
Nasayuran man nga ro sambilog sa mga nadakpan nga si Nestor hay may kaso ku 2015 nga may kaangtanan man sa droga ag nakaguwa ku 2019.
Samtang, naga pangatubang ro mga subject person sa kasong pag eabag sa Republic Act 9165 o Comprehensive Dangerous Drugs Act of 2002. / ANN DESLENE SALAZAR