Binuksan ng pamahalaan ang paggamit ng #VaxCertPH sa Region III at Region IV-A bilang opisyal na digital vaccination platform para sa mga indibidwal na nabakunahan kontra COVID-19 sa bansa.
Maaaring magamit ang platform na ito para sa international at domestic travels alinsunod sa guidelines ng World Health Organization tungkol sa Digital Documentation ng COVID-19 Certificates.
Isang Memorandum of Agreement ang pinirmahan ng mga opisyal ng Inter-Agency Task Force for the Management of Emerging Infectious Diseases, National Task Force Against COVID-19, at SM Supermalls para sa soft launching ng #VaxCertPH nitong Oktubre 4, sa SM City Clark.
Ilulunsad ang #VaxCertPH sa buong bansa habang patuloy ang pagaayos ng DILG at DICT ng listahan ng mga indibidwal na nabakunahan mula sa datos ng mga lokal na pamahalaan.