GIPANGANDAMAN na sa General Santos City ang pagdugang og eskwelahan alang sa face-to-face (F2F) classes. Dungan sa pagkonsidera sa Department of Education (DepEd) sa pagpatuman niini sa usa ka tulunghaan sa dakbayan atong Lunes.
Matud ni Romelito Flores, DepEd- GenSan Schools Division Superintendent, tungod sa malampuson nga implementasyon. Gisugdan na nila ang pagpahigayon og ‘assessment’ sa tanang tulunghaan sa siyudad isip pagpangandam. Sa posibleng pagbalik sa in-person face- to- face- classes sa mga mosunod nga panahon.
Gamit sumala pa nila ang schools system assessment tools aron masuta ang kaandaman sa mga tulunghaan sa dakbayan. Una nang, gibutyag sa DepEd central office nga gipangandaman na nila ang posibilidad sa expansion sa mga tulunghaan aron irekomenda sa Pangulong Rodrigo Duterte ang target nila sa pagpahigayon sa expanded limited face-to-face classes Marso 7. (Richel Gubalani)