PULOS pa lang espeskulasyon ang tanan sa planong pagpapili ni Pangulong Rodrigo Duterte sa 2022 elections.
Sa paghinabi sa 89.5 Brigada News FM GenSan, gibutyag ni Presidential Communications Operations Office kun PCOO Sec. Martin Andanar nga susama usab sa ginapadayag sa pipila ka pulitiko.
Sa pagkakaron, giawhag na lamang ni Andanar ang katawhan nga suportahan ang nahibiling mga bulan sa pwesto sa Pangulo.
Sa karon matud pa nakatutok ang gobyerno sa pagmugna og mga proyekto, pagtutok sa healh sector, job generation, sa mga negosyante, estudyante aron maandam ang nasud sa reopening sa ekonomiya.
Nagtuo usab si Andanar nga dili makab-ot sa termino sa Pangulo ang pagpabalik sa kalagsik sa ekonomiya apan sa musunod nga liderato.
Apan sa karon, ginahimo sa Duterte administration ang tanan, aron nga sa paglingkod sa bag-ong liderato, matagamtaman ang kalambuan.