Nakita na ang patayng lawas sa 32 anyos nga inahan nga mao si Jacel Alastra, nga naanod sa bul-og sa tubig-baha sa Tinubdan Falls sa Barangay Tabili, lungsod sa Catmon sa Sugbo.
Giila ang patayng lawas ni Alastra sa iyang bana pinaagi sa ilang wedding ring ug sa bra nga iyang gisul-ob.
Nakit-an ang patayng lawas ni Alastra sa usa ka mananagat nga giilang si Antonio Bueno, sa kadagatan sa Barangay Luyang sa Carmen sa Sugbo.
Matud ni Bueno, naglutaw ang patayng lawas padung sa Isla sa Camotes maong iya nalang gihiktan ang tiil niini ug gihinay-hinay nga giguyod hangtud nakaabot sa Coast Guard Station sa Carmen mga alas 6 sa buntag.
Kahinumduman nga una ng na kaplagan ang patayng lawas sa iyang anak nga si Princess Alastra, 7 anyos ug pag-umangkon niini nga si Kent Junde Monterola, 17-anyos