MOBALIK na ang physical events sa Tuna Festival sa GenSan ning tuiga human ang duha ka tuig nga virtual celebration ang nahitabo tungod sa pandemya.
Karon pa lamang giawhag ni Supervising Tourism Operations Officer sa Eliordo Alcaya Jr. ang tanang katawhan nga saksihan ang giandam nila nga mga kalingawan ug mga aktibidad apan mahimo gihapon nga masaksihan ang tanang events sa ilang fb page.
Sugdan sa Agosto 29 ang press con, sundan sa commemoration sa death anniversary ni Gen.Paulino Santos, anaa usab ang sugat ug pamahaw.
Samtang sa Setyembre 1 ang opening salvo, pinaagi sa float parade, motorcade sa General Santos City Chamber of Commerce and Industry, Incorporated, streetdancing, tuna fest skills competition sa mall, Sugbahan sa Dalan, Dance sa Fishport, Zumba, inauguration sa New Jersey street.
Samtang sa Setyembre 4, ang sisterhood day asa mahitabo ang renewal sisterhood agreement ug sa Setyembre 5 ang culmination day nga gilangkuban sa civic, military ug barangay parade.
Ang Tuna Festival usa ka monthlong celebration nga magsugod Setyembre 1 hangtud Setyembre 30 apan ang highlights anaa sa Setyembre 1 hangtud 5 ug gigahinan og P6 million, wala pay apil sa Chamber ug ubang sponsor.
Photo by Constantine Agustin