CAMARINES NORTE – Muling ipinaalala ng Provincial Incident Management team na kailangang mag-apply online sa pamamagitan ng www.camnortetravelpass.com para makapasok sa lalawigan
Isa sa hinihinging dokumento ay ang negative rapid antigen test o saliva test result na kinukuha mula sa Philippine Red Cross
Ayon kay Atty Don H. Culvera, Unified Incident Commander, Sa boundary sa Brgy. Tabugon, Santa Elena, tanging ang mga papasok lamang sa Camarines Norte ang papayagang sumailalim sa rapid antigen test at hindi ang mga papunta sa ibang lalawigan.
Ang rapid antigen booth sa dalawang borders ng Camarines Norte ay itinalaga para sa mga biyaherong hindi nakapagpa-rapid antigen test sa pinanggalingan nilang lugar.
Samanatala, Pinagsusumite naman ang Provincial Health Office ng summary ng mga nagpositibo sa rapid antigen test mula sa operasyon ng dalawang rapid antigen test booth sa boundaries ng Tuaca, Basud at Tabugon, Santa Elena.
Mula doon ay malalaman kung ilan naman ang kumpirmadong nagpositibo sa RT-PCR (Reverse Transcription Polymerase Chain Reaction) o mas kilala sa tawag na swab test.