Gintawag nga “confusing” ni Negros Occidental provincial consultant anay congressman Albee Benitez sa mga nagakatabo nga withdrawal – substitutions sa mga presidential candidates sa pungsod.
Sandig kay Benitez wala pa ini siya sang pagasuportahan sa mga magapapili sa pagka-presidente sa palaabuton nga 2022 elections bangud sa nagakatabo sa karon ilabi na sa mga pronouncement sang mga kandidato.
Samtang, pabor si Benitez nga iga-review ukon iga-amendar kun kinahanglanon ang provision sang subtitution sa Omnibus Election Code bangud daw sa gin-abusaran na ini sa karon.
Para kay Benitez butangan na lamang sang parameters kun ano ang rason sang isa ka kandidato agud mag-subtitute kag indi pagpagustuhan ang isa ka kandidato nga basta na lamang ibulos sa isa ka magapapili nga nag-withdraw sang iya nga kandidatura.