LEGAZPI CITY – Pigsiyerto kan Presidential Task Force on Media Security (PTFoMS) na pwedesir pang makakua an mga media nin mga bareta sa paagi nin police blotters sa mga public information officers kan lambang hepatura kan pulisya.
Sa intrevista kan Brigada News FM Legazpi kay USec. Paul Gutierrez kan nasambitan na task force, sinabi niya na ini an napagkasunduan ninda kaiba an PNP, asin nagkapirang press club o organisasyon sa Bicol region.
Segun saiya, an gabos na hepatura igwa ki nakataltag na mga PIO.
Dai naman su boot kaipuhan na anapon o halaton pa an hepe para sana sa police blotter huli ta pwedesir kaan maghagad sa mga PIO.
Dugang pa digdi, an mga hepe kadalasan igwa man an mga ini nin pagpapatrolya o official businesses.
Alagad, sa mga hepatura na wara nin nakadesignar na PIO, pwedesir man maghagad ki kopya sa mga Public Community Relations (PCR).
Mientrastanto, tinawan-doon man ni Gutierrez na may mga blotters na ‘not for broadcast’, kaya nganing dai magkaproblema, sunudon na sana asin dai na mamirit na aramon pa nganing daing mabalgar na anuman na kaso.