EMOSYONAl ang usa ka rice retailers sa probinsiya sa Sarangani gumikan sa kahadlok posibleng mawad-an og pangabuhian, dungan sa pagpatuman sa price ceiling sa bugas.
Mokabat na sa 50 porsyento ang nalugi sa rice retailer sa palengke sa Alabel, Sarangani Province sa pagbaligya og regular ug well-milled rice price cap nga naa sa P41 ug P45 matag kilo. Dugang ni Heremias Villares ug Queenie Sollano, mandu sa pangulong Ferdinand Marcos Jr., ang magtinda sila og P41 ug P45 matag kilo sa bugas, wala silay mahimo kung dili ang mosunod bisan taas nga presyo sa maong klase sa bugas ang napalit nila gikan sa ilang mga supplier.
Samtang sa bahin ni Mayor Vic Paul Salarda, plano sa LGU ang hatagan og ayuda ang mga nalugi nga mga gagma’y rice retailer. Apela nila sa gobyerno nga hinay-hinay lang ang pagpatuman sa price ceiling sa bugas. I Richel Gubalani