DAGHAN na ang nag-avail sa saliva test sa Red Cross GenSar (GenSan-Sarangani chapter) sukad niadtong Lunes.
Segun ni Merly Gludo, Red Cross GenSar chapter administrator nga sukad adlawng Miyerkules, sobra na sa 50 ka tawo ang nag-avail sa saliva test nga mas barato itandi sa RT-PCR test apan parehong gitugutan sa DOH.
Anaa sa P2,000 ang bayad sa saliva testing apan may additional nga P500 alang sa handling fee tungod ginadala pa ang sample ngadto sa Cagayan de Oro City nga may pinakaduol nga molecular laboratory sa saliva testing.
May proseso usab nga angayang tumanon sa mga ga-avail sa saliva test, apil dinhi ang pag-adto sa Red Cross GenSar 15 minutes before sa prior scheduled time.
Bag-o mohatag og sample, angayang wala nakakaon, nakainom, nanigarilyo o nagmumog.
May gihatag usab nga number sa cellphone ug landline ang Red Cross GenSar chapter alang sa mga gustong mag-avail sa saliva test, pinaagi sa telephone number nga 552 4323/ 554-0428 ug cellphone number nga 0918-922-0170 / 0933-424-4233 aron mahatagan og instruction.