CEBU – Mas gipahugtan ang gipatuman nga seguridad sa Mactan Cebu International Airport alang sa mga pasahero sa domestic ug international flights.
Matud ni Major JeromeΒ Villegas ang hepe sa Aviation Security Group sa MCIA Police Station nga ang hugot nga pagpatuman sa seguridad sa tugpahanan agig pagsunod nila sa international standard.
Tungod niini, kinahanglan nga maghubo na sa sapatos ang mo-agi sa x-ray machine ug sa inspection area sa tugpahanan.
Giklaro usab ni Villegas nga walay nadawat nga hulga sa seguridad ang MCIA sanglit igo lang nila gipalig-on ang seguridad arun magpabilin ang dakong pagsalig sa mga pasahero sa MCIA.
Kahinumduman nga ning bag-ohay lang nakadawat ang MCIA ug Airport Customer Experience Accreditation gikan saΒ Airports Council International diin kini ang unang tugpahanan sa nasud nga nakadawat sa maong pasidungog.//