CEBU – Gipahibawo sa Visayas Command (Viscom) nga nagbase sa Sugbo nga niabot na sa 8 ka mga miyembro sa New People’s Army (NPA) ang napatay sa mga nahitabong engkwentro tali sa tropa sa kagamhanan sa managlahing dapit sa Kabisay-an, samtang 17 ang nitahan sulod lamang sa buwan sa Hulyo 2023.
Kini tungod sa walay hunong nga military operations ug nagpadayon nga localized peace agreement sa gobyerno.
Matud ni Viscom Commander Lt. Gen. Benedict Arevalo, gawas sa mga namatay, niabot usab sa 38 ka mga armas ang ilang nasakmit diin 22 niini ang high powered firearms.
Gidugang pa ni Arevalo nga target nilang muhuyang ang manpower ug mapukan ang Communist Party of the Philippines (CPP)-NPA sa Visayas region.//