Naniniwala si Senator Risa Hontiveros na “illogical” ang paglilipat ng Philhealth mula sa Department of Health papunta sa Office of the President (OP).
Sa Kapihan sa Senado, binigyang-diin ni Hontiveros na walang kakayahang magpatupad ng universal healthcare law ang OP.
Lalo na’t hanggang ngayon ay may pagkakautang pa ang executives sa health emergency allowances at hazard pay ng mga health workers mula noong magsimula ang pandemya ayon sa senadora.
Dagdag pa niya, marami pang iba na kailangang bigyan ng executive at political support ng OP katulad nalang ng pagsusulong ng mga health sector reforms.
Ayon naman kay Justice Undersecretary Raul Vasquez, wala siyang nakikitang legal issue sa pagta-transfer ng Philhealth sa OP dahil ito ay “legitimate exercise” lang ng kapangyarihan ng Pangulo.
#