Senador, iginiit na hindi anti-Marcos si dating Pang. Duterte
Nilinaw ni Senador Robin Padilla na hindi anti-Marcos ang kanyang party-mate na si dating Pangulong Rodrigo Duterte sa kabila ng mga napaulat na mga tirada sa pagitan ng dalawang opisyal.
Ayon kay Padilla, ayaw nang makipag-away ni Duterte, at gusto lang nitong maging maayos sila ni Pangulong Marcos.
Binigyang-diin din aniya ng dating pangulo na nakasuporta at naniniwala ito na si Pang. Marcos ay hindi dawit sa katiwalian – bagay na pinaninindigan din umano ng PDP.
Mababatid na kamakailan ay sinabi ni Pang, Marcos na komplikado na ang relasyon nito sa mga Duterte.