Binigyang-diin ni Senador Win Gatchalian na paulit-ulit na lang ang krimen na nanggagaling sa POGO.
Sa panayam ng Brigada News FM kay Gatchalian, sinabi nitong pangalawang beses nang na-raid ang establisyimento na pinuntahan nila kamakailan sa Bamban, Tarlac, at parehong-pareho lang din ang natuklasan sa isinagawang mga raid dito.
Paliwanag ng mambabatas, marami nang na-raid na POGO hubs sa ilalim ng kasalukuyang administrasyon, at dito napag-alaman na mga pugante ang nasa likod ng operasyon ng mga ito.
Pagdidiin pa ng senador – hindi biro ang mga taong nasa likod ng POGO operations dahil talagang mapanganib ang mga ito.
Sa huli, pinangambahan ni Gatchalian na ang mga pugante sa likod ng POGO ay magaling manuhol.
Ibig sabihin umano nito – posibleng marami nang nasusuhol ang nasabing mga pugante kabilang na ang matatas na opisyal mula sa mga enforcement agencies.