SAMARON nga gidala sa ospital ang usa ka sikad drayber human kini gipusil sa wala mailang mga indibidwal sa Purok Stella Maris, Barangay Tambler pasado alas 7:48 gabei sa Abril 26. Basi sa report sa Tambler Police station ang biktima giila kang Gerald Glenn Sosmeña, 45-anyos, minyo, nga taga Purok Ondok Gawan, Barangay San Jose.
Sa imbestigasyon sa kapulisan nagsakay sa iyang sikad ang biktima pauli sa ilang balay dihang gisundan kini sa duha ka armadong lalaki nga nag nagsakay og Honda XRM motorsiklo nga may color combination pula ug puti nga walay plaka ug gipusil duha ka higayon si Sosmeña igo sa ulo gamit ang wala pa masuta nga kalibre sa armas.
Sa kasamtangan nagpaalim sa ospital ang biktima apan walay pamilya nga mitungha aron kini duawon human sa makuyaw nga sitwasyon. Nagpadayon pa ang imbestigasyon sa Tambler Police station kung unsa ang posibleng motibo sa mga armadong lalaki nga mipusil sa nahisgotang biktima.
Kahibaloan sa susamang adlaw patay sa pagpamusil sa Purok Malok, Barangay Labangal ang laing traysikel drayber nga si Seki Mamalinta, hamtong, taga Purok 7, Sto. Niño, Barangay Apopong. Kung asa ang duha ka suspek nagsakay usab sa color itom nga XRM motorsiklo. Hot pursuit operation. I Enamie Mogpon