GIKLARO sa Department of Health (DOH) sa Soccsksargen nga walay bag-ong kaso sa Nipah virus nga natala sa rehiyon, gawas sa nag-inusarang kaso nga natala atong 2014 nga na-detect sa Sultan Kudarat.
Sa gipagula nga ‘advisory’ DOH-12, gimanduan niini ang mga health officer nga siguradohong dili na subli ang pagkatala sa rehiyon og kaso sa Nipah virus. Ang kaso sa Nipah virus sa rehiyon-12 atong 2014, base sa gihimong imbestigasyon nakuha ang mga sintomas human ang exposure sa kabayo o unod niini.
Hinungdan nga usa ka karenderya sa GenSan, gisiguro niyang nalimpyo ug naluto og maayo ang iyang ginabaligyang sud-an, butyag ni Alma Quintos. Base sa City Health Office, nagmugna na sila og ‘surveillance’ system aron gilayong masuta ang posibleng presensiya sa nipah virus sa lugar.
Dugang ni Dr. Karl Ivan Igrobay, assistant department head sa CHO, gipakusgan na nila ang ilang public health intervention aron malikayan sa nagkadaiyang sakit pinaagi sa health promotion ug communication.
Gimugna na usab sa doh ang inter-agency task force batok zoonotic virus o pagpasa sa virus gikan sa hayop padulong sa mga tao, tumong masiguro nga dili makasulod ang maong virus sa nasud. I Richel Gubalani