Guilty sa kasong murder si Bernie Tipay nga suspek sa pagbaril-patay sa sangka bank employee nga si Jonalyn Maribojo ku Oktubre 2021 sa may banwa it Numancia, Aklan.
Ginsentensyahan it Reclusion Perpetua o hasta nagakabuhi nga pagka-presu si Tipay.
Ro nasambit nga sentensya hay ginpapanaog ni Hon. Joebil Barrera Delmoro, Presiding Judge it RTC 6, Branch 2.
Matandaan nga ginbaril ni Tipay ro biktimang si Maribojo samtang sakay raya it tricycle nga paagto kunta sa anang trabaho sa sangka bangko sa Kalibo. // ANN DESLENE SALAZAR