Narekober it 12th Infantry Philippine Army (Lick ‘Em) Battalion ro mga pagkaun ag armas it CPP-NPA Terrorists sa Sitio, Agbalante, Brgy Tacayan, Tapaz, Capiz ku Martes, Agosto 16, 2022 bandang 2:20 it hapon.
Insigida nga gin-deploy ro mga tropa kat mag-imporma ro sangka concerned citizen kung siin ro lokasyon it taeaguan it mga pagkaun ag armas nga may sueod nga tatlong M16 rifles, daywa ka bandoliers, ag tatlong container nga puno it bugas sa iping it CNT hideout.
Ro pagbulgar ngara hay nagapamatuod nga ro pumueuyo hay padayun nga nagasuporta ag nagasalig sa 12IB kat magtao sanda it impormasyon sa nahamtangan it cache it CPP-NPA.
Ro 12th Infantry (Lick ‘em) Battalion hay padayun nga magapatigayun it military operations para maangkon ro sustainable development ag pangmabuhayan nga katawhayan sa isla it Panay. / ANN DESLENE SALAZAR