TINGKAGOL sa bilangguan sa Toril Police Station ang taga-Cagayan de Oro nga nagdala og illegal nga droga pasulod sa dakbayan sa Davao.
Una niini, atol sa TF Davao Brgy. Sirawan check point alas-11:00 sa buntag, Setyembre 16, 2023, nakuha ni PCpl. Russell Manglicmot gikan sa posisyon sa suspek ang pinaugang dahon sa marijuana.
Ang dinakpan nailang si Mike Steve Galarita, 33, ulitawo, truck helper ug residente sa Zone 12-A Upper Carmen Cagayan De Oro City.
Kasamtangan, gihikay na ang kasong kalapasan sa RA 9165 babtok sa nahisgutang suspek.