Naaresto ro Top 1 Most Wanted Person sa banwa it Makato sa Brgy. Bakhaw Sur, Kalibo kahapon.
Sa ginkasa nga manhunt operation it Makato ag Kalibo PNP, naaresto si Sherwin Reyes 23yo ag residente it Brgy. Dongon West, Numancia, Aklan.
May standing warrant of arrest si Reyes para sa kasong pag eabag sa RA 10883 o An Act Providing for a New Anti-Carnapping Law of the Philippines.
Kapin sa P200,000 ro piyansang gintaeana it korte para sa anang temporaryong kahilwayan.
Sa makarun hay sa kustodiya raya it Makato PNP ag nakataeana nga i-turn over sa korte. / ANN DESLENE SALAZAR