Arestado ang empleyado sa gobyerno kauban ang laing duha ka indibidwal sa gilusad nga drug buy bust operation sa Regional Special Enforcement Team (RSET) sa PDEA Regional Office XI kauban ang National Bureau of Investigation SEMRO XI sa milabay’ng adlaw sa Banana Street, Ulha Village, Barangay Talomo Proper, ning syudad.
Ang mga dinakpan nailang sila alyas Juvy, 46 anyos, drug den maintainer, call center agent ug residente sa nasangpit nga lugar ug mga kauban niini nga sila alyas Jeffrey, Barangay Employee ug usa ka alyas Christopher.
Nakuha gikan sa mga dinakpan ang 15 ka mga pakete sa gituohang shabu nga mutimbang sa kapin kon kulang 13 gramos ug gibana-banaan nga mubalor sa Php 88,400.00, ug uban pang drug paraphernalia.
Kasong kalapasan sa Republic Act 9165 kon Comprehensive Dangerous Drugs Act of 2002 ang gipasaka batok sa mga nahsigutang dinakpan.