HUGOT nga gipatuman sa mga sakop sa Traffic Enforcement Unit-Gensan ang Memorandum Circular number 2020-036 o ang pagbawal sa mga Tricycle, Pedicabs ug motorized pedicabs nga mubiyahe sa national highway.
Gibutyag ni PLt.Col. Dominador Palgan Jr. ang hepe sa TEU nga makita na sa mga nag-unang kadalanan ang iyang mga sakop ug ilang dakpon ang kinsa mang makasupak sa maong balaud.
Sumala pa niini nga usa sa mga tumong sa pagbawas sa mga tricycle sa national highway ang paglikay sa disgrasya.
Sumala pa nga ikonsidera lamang nila nga muagi sa national highway ang tricycle o pedicabs kung wala nay alternatibong ruta nga pwedeng kaagian padulong sa ilang distenasyon.
Gihangyo usab sa TEU ang kooperasyon sa tanan alang sa hapsay og malinawong dalan ug pagpakita sa pagdisiplina sa balaud trapiko. I MJ Fernandez