Gina pahauman eon ru unang face to face Kalibo Ati-atihan Festival 2023 it Local Government Unit it Kalibo.
Sa interview it BRIGADA News FM Kalibo kay Mr. Ryan Boy Zabal, Kalibo Ati-atihan Board, ru dating virtual presentation eamang it may haeos daywang dag-on hay actual eon ng amakita sa Enero matapos nga gin paidaeom eon sa Alert level 1 ru probinsya’t Aklan.
Sa religious activities, matigayon ru novena prayer ag misa kamana man procession kay Sr. Sto. Nino.
Samtang sa cultural, may kapin sa 85 % eon ru mga naka pa rehistro nga tribu ag grupo nga maga pasakop sa nasambit nga festival.
Duugang pa ni Zabal, maga hanae it Php 3 million ru LGU-Kalibo para sa subsidy nga gustong mag pasakop sa tribal big, tribal small category, modern category ag Balik Ati category.
Kun matandaan, may haeos daywang dag-on eon nga uwa naka selebrar it Kalibo Ati-atihan Festival dahil sa pandemya nga hatud it COVID-19.//MARIVIC Y. ILIN