NAGPAIT ang pamasada sa mga drayber sa Van sa Bulaong Terminal nga nagaturno gikan GenSan padulong sa Tacurong City tungod panalagsa ang mosakay nga pasahero.
Kapin duha ka oras bag-o sila makalarga ug daghan na ang lima kabuok pasahero matag adlaw nga mosakay sa van padulong Marbel- Tacurong. Butyag ni Samuel Valeroso Jr. ginaagwanta niini nga mohulat og pipila ka oras aron mapuno ang iyang sakyanan ug aron dili lugi ang biyahe.
Usahay matulog kini sa Bulaong terminal ilabi na kung walay pasahero. Ang pamasahi nga P250 padulong sa Tacurong hangyoan pa sa mga pasahero ug musugot nalang matud pa si Valeroso aron lang maka-income ug dunay ikapalit og krudo ug ibayad sa dispatcher.
Uban niyang kaubanan nga myembro sa BULTERDOTSCO gipamaligya na ang ilang mga Van tungod sa maong sitwasyon.
Lakip nakaapekto kanila ang pagdaghan sa unit sa van sa syudad ug ang pagsaka sa presyo sa gasolina ug krudo.
Nagpasalamat kini nga nahatagan sila og fuel subsidy gikan sa Coop, asa siya na myembro. Tungod sa lisod nga sitwasyon nga nasainatian ang panawagan ni Valeroso sa gobyerno nga mahatagan og hustong solusyon ang padayong pagsaka sa presyo sa produktong petrolyo. I Enamie Mogpon